Pearson байгууллагын Монгол дахь албан ёсны онцгой эрхт төлөөлөгч Ай И Ди Си ХХК (IEDC Mongolia) нь ерөнхий боловсролын сургуулийн англи хэлний багш нарт зориулсан Open Day уулзалтыг долоо хоног бүрийн Лхагва гарагт тогтмол зохион байгуулж байна.

Тус уулзалтын зорилго нь багш нарт Pearson English Connect (PEC) платформ дээр ажиллах явцад тулгардаг асуудлыг шийдвэрлэхэд дэмжлэг үзүүлэх, зөвлөн туслах, мөн платформыг сургалтдаа илүү үр дүнтэй ашиглах арга зүйн мэдлэгийг нэмэгдүүлэхэд чиглэж байна.

Уулзалтад биечлэн оролцох боломжгүй багш нарт зориулан онлайн хэлбэрээр зөвлөн туслах уулзалт зохион байгуулсан бөгөөд уулзалтын үеэр Ай И Ди Си ХХК-ийн мэргэжилтэн Ч.Золзаяа Pearson English Connect платформ дээр ажиллахад хамгийн түгээмэл тулгардаг асуудлуудын талаар алхам алхмаар тайлбар, арга зүйн зөвлөгөө өглөө. Үүнд:

• – Аккаунт locked болсон үед хэрхэн сэргээх
• – Username болон password оруулахад “didn’t work” алдаа гарсан үед авах арга хэмжээ
• – Шилжиж ирсэн болон шилжиж явсан сурагчдын мэдээллийг системд зөв бүртгэх арга
• – Багш нарын заавал зохион байгуулах шаардлагатай шалгалтуудын талаарх мэдээлэл

Мөн багш нар шаардлагатай үед хэрхэн шуурхай холбогдож, техникийн болон арга зүйн зөвлөгөө авах боломжтой талаар мэдээлэл өгсөн юм. Open Day уулзалт нь зөвхөн техникийн асуудлыг шийдвэрлэхээс гадна багш нар хоорондоо туршлага солилцож, PEC платформыг сургалтдаа илүү үр дүнтэй ашиглах арга барилд суралцах хамтын орчныг бүрдүүлдгээрээ онцлог юм.

Ийнхүү энэхүү тогтмол уулзалтаар дамжуулан багш нар платформын боломжийг бүрэн ашиглаж, сурагчдын англи хэлний ахиц дэвшлийг бодитоор дэмжих нөхцөл бүрдэж байна.

IEDC Mongolia нь Pearson байгууллагын Монгол дахь албан ёсны онцгой эрхт төлөөлөгчийн хувьд англи хэлний сургалтын чанарыг сайжруулах, багш нарыг тасралтгүй дэмжих чиглэлээр төрөл бүрийн сургалт, зөвлөх үйлчилгээ, мэргэжлийн хөгжлийн хөтөлбөрүүдийг тогтмол хэрэгжүүлж байна.