Дарханд Pearson анхдугаар англи хэлний олимпиад боллоо -

Дарханд Pearson англи хэлний олимпиад боллоо

Дархан-Уул аймгийн Боловсролын газар Оюуны Ирээдүй Цогцолбор сургууль болон Pearson байгууллагын Монгол дахь төлөөлөгч Ай И Ди Си ХХК хамтран Pearson англи хэлний анхдугаар олимпиадыг аймгийн 3–8 дугаар ангийн сурагчдын дунд зохион байгууллаа.

Олимпиадад III-VIII ангийн 368 сурагчид оролцов.

Тус олимпиадын даалгавар, үнэлгээний материалыг Pearson байгууллагын Монгол дахь төлөөлөгч Ай И Ди Си ХХК боловсруулж, Дархан-Уул аймгийн Боловсролын газар болон Оюуны Ирээдүй цогцолбор сургуулийн хамт олон амжилттай зохион байгуулсан юм.

Энэхүү арга хэмжээ нь Pearson хөтөлбөрийн хүрээнд сурагчдын мэдлэг, чадварыг олон улсын жишигт нийцүүлэн үнэлэх, суралцах идэвхийг нэмэгдүүлэх бодит боломж болж байна.

Олимпиадыг санаачлан манлайлан зохион байгуулсан Оюуны Ирээдүй цогцолбор сургуулийн хамт олон болон Дархан-Уул аймгийн Боловсролын газрын удирдлагад талархал илэрхийлье.

Сайн туршлага, орон нутгийн манлайлал нь бусад аймаг, сургуулиудад үлгэр жишээ болж, сурагч бүрд англи хэлний чанартай боловсрол хүргэх үйлсийг улам өргөжүүлэхэд чухал хувь нэмэр оруулж байна.