IEDC TestHub: 180+ олон улсын шалгалтыг
эх орондоо ойртуулсан нэг жил
Олон улсын 180 гаруй шалгалтыг эх орондоо, дэлхийн стандартад нийцсэн орчинд өгөх боломжийг бүрдүүлсэн IEDC TestHub нэг нас хүрлээ. Тус төв нь аюулгүй байдал, чанарын өндөр стандартыг бүрэн хангасан, Pearson VUE-ийн албан ёсны эрхтэй шалгалтын төв юм.
Pearson VUE нь дэлхийн 180 гаруй оронд үйл ажиллагаа явуулж, 20,000 гаруй шалгалтын төвийн сүлжээгээр дамжуулан жил бүр сая, сая хүмүүст хүсэл мөрөөдөл, зорилгодоо хүрэхэд тусалж, мэргэжлийн ур чадвар, лиценз, сертификатыг олон улсын түвшинд баталгаажуулах шалгалтуудыг найдвартай, стандартчилагдсан орчинд зохион байгуулдгаараа дэлхийд тэргүүлэгчдийн нэг билээ.
Монгол дахь албан ёсны төв болох IEDC TestHub нь энэхүү дэлхийн сүлжээний нэг хэсэг болж, мэдээллийн технологи болон бусад мэргэжлийн өндөр түвшний шалгалтуудыг дэвшилтэт технологид суурилсан, биометрик хяналтын систем бүхий орчинд зохион байгуулж байна.
Төвийн гол онцлогууд
- Аюулгүй байдал: Шалгалтын үнэн зөв, найдвартай байдлыг хангах зорилгоор хяналтын камер, биометрик таних системийг ашигладаг
- Стандарт орчин: Олон улсын шаардлагад нийцсэн, тав тухтай шалгалтын орчин
- Албан ёсны эрх: Дэлхийн томоохон технологийн компаниуд болон мэргэжлийн байгууллагуудын шалгалтыг авах албан ёсны зөвшөөрөлтэй
1 жилийн бодит үр дүн
Энэ хугацаанд IEDC TestHub нь монгол залуусыг зорилгодоо хүрэхэд тусалсныг дараах тоон мэдээллээс харах боломжтой. Үүнд:
- 200+ шалгуулагч PTE Academic шалгалт өгсөн
- 76 багш PTE Trainer Teacher Certificate хөтөлбөрт хамрагдсан
- 5000+ залуус англи хэлний түвшнээ олон улсын жишгээр үнэлүүлсэн
- 100+ хүн PEIC шалгалтыг амжилттай өгсөн
Түүнчлэн тус төв нь зөвхөн англи хэлний шалгалтаар хязгаарлагдахгүйгээр дараах чиглэлүүдийн олон улсын шалгалтыг зохион байгуулж байна. Үүнд:
- IT & технологи: Cisco, Microsoft, Amazon Web Services
- Бизнес, санхүү: Project Management Institute, CFA Institute
- Эрүүл мэнд: NCLEX болон эмнэлгийн лицензийн шалгалтууд
- Бусад: жолоодлого, үл хөдлөх хөрөнгө, аюулгүй байдал, эрсдэлийн менежмент зэрэг
IEDC TestHub нээгдсэнээр олон улсын шалгалтыг заавал гадаад улс руу зорчиж өгөх шаардлага буурч, Монголд дэлхийн түвшний үнэлгээний систем нутагшиж байгаагийн илрэл болж байна.
Энэ нь зөвхөн цаг хугацаа, зардлыг хэмнэх шийдэл төдийгүй, монгол залуус, мэргэжилтнүүд олон улсын түвшинд мэдлэг, ур чадвараа үнэлүүлж, өрсөлдөх боломжийг эх орондоо бүрдүүлж буй чухал алхам юм.
Тус шалгалтын төв нь боловсрол, хөдөлмөрийн зах зээлийн уялдаа холбоог бэхжүүлж, олон улсад хүлээн зөвшөөрөгдсөн сертификат, лицензийг дотоодоос авах боломжийг нээж өгдгөөрөө онцгой ач холбогдолтой.
Цаашид IEDC TestHub нь олон улсын шалгалтын хүртээмжийг нэмэгдүүлж, Монгол Улсад мэргэжлийн ур чадварыг дэлхийн жишигт хүргэхэд хувь нэмрээ оруулах зорилготой ажиллаж байна.
Боловсролын хөтөлбөр, олон улсын шалгалт, сургалт, багшийн хөгжлийн зөвлөх үйлчилгээ үзүүлэгч байгууллага
Шуурхай холбоос
Бидэнтэй холбогдох
- Ай И Ди Си, Эрдмийн Ордон, 1204 /PTE Academy-1301/ тоот, Сүхбаатар дүүрэг, Сүхбаатарын Талбай 20/8, Улаанбаатар, Монгол Улс 14200
- info@iedc.edu.mn
-
+976-7611 7500
+976-7505 7600 /PTE Academy/
Ажиллах цагийн хуваарь
- Даваа - Баасан ( 08:00 - 17:00 )
- Бямба, Ням ( Амарна )