- Ай И Ди Си, Эрдмийн Ордон, 1204 тоот, Сүхбаатар дүүрэг, Сүхбаатарын Талбай, Улаанбаатар, Монгол Улс
- info@iedc.edu.mn
III–IV ангийн англи хэлний багш нарт арга зүй түгээх
сургагч багш нар бэлтгэгдлээ
2025–2026 оны хичээлийн жилээс эхлэн төрийн өмчийн болон орон нутгийн өмчийн ерөнхий боловсролын сургуулийн III, IV ангийн сурагчдад англи хэлний нэмэлт хөтөлбөрийг улсын хэмжээнд хэрэгжүүлэхээр болсон. Энэ хүрээнд улсын хэмжээнд 668 сургуулийн 3, 4 дүгээр ангийн 4208 бүлгийн 135 мянга орчим суралцагч англи хэлний хөтөлбөрөөр долоо хоногт хоёр цагаар хичээллэх юм.
Шинээр хэрэгжих энэхүү хөтөлбөрийг үр дүнтэй хэрэгжүүлэх зорилгоор багш, мэргэжилтнүүдийг бэлтгэх сургалтыг зохион байгуулж, сургагч багш нарыг амжилттай бэлтгэлээ. Тодруулбал, 21 аймаг, нийслэлийн 9 дүүргээс сонгогдсон англи хэлний сургалтын шилдэг арга зүйтэй 89 багш энэхүү сургалтад хамрагдан, сургагч багшийн сертификат гардав.
Мөн аймаг, нийслэлийн боловсролын газруудын англи хэлний сургалт хариуцсан мэргэжилтнүүд энэхүү сургалтад хамрагдсан бөгөөд сургалтад хамрагдсан багш, мэргэжилтнүүд цаашид өөрсдийн аймаг, дүүрэгт ажиллаж буй англи хэлний багш нарыг сургаж, арга зүйн дэмжлэг үзүүлэх замаар тэдний чадавхыг шат дараатайгаар нэмэгдүүлэх юм.
Энэхүү сургалтыг Pearson байгууллагын сургалтын ахлах зөвлөх, мастер сургагч багш Жан Витек, мөн Pearson байгууллагын сургагч багш, бүс нутгийн менежер Моника Хенел нар удирдан явуулж, олон улсын туршлага, арга зүйг хуваалцсан байна.
Англи хэлний сургалтын энэхүү шинэ хөтөлбөрийг хэрэгжүүлэхэд дэмжлэг үзүүлэн хамтран ажилласан Боловсролын яам, Боловсролын ерөнхий газар, Нийслэлийн боловсролын газар, мөн орон нутгийн боловсролын байгууллагуудын хамт олонд талархал илэрхийлье.
Сургалтад хамрагдсан багш, мэргэжилтнүүддээ цаашдын ажилд нь өндөр амжилт хүсье.
Боловсролын хөтөлбөр, олон улсын шалгалт, сургалт, багшийн хөгжлийн зөвлөх үйлчилгээ үзүүлэгч байгууллага
Шуурхай холбоос
Бидэнтэй холбогдох
- Ай И Ди Си, Эрдмийн Ордон, 1204 /PTE Academy-1301/ тоот, Сүхбаатар дүүрэг, Сүхбаатарын Талбай 20/8, Улаанбаатар, Монгол Улс 14200
- info@iedc.edu.mn
-
+976-7611 7500
+976-7505 7600 /PTE Academy/
Ажиллах цагийн хуваарь
- Даваа – Баасан ( 08:00 – 17:00 )
- Бямба, Ням ( Амарна )
Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.